Wakurugenzi wawili wa kampuni ya magari ya mitumba leo walifikishwa mbele ya mahakama ya Mombasa wakishtakiwa kwa kukwepa kulipa ushuru wa Kshs 126 milioni.

Washtakiwa hao, Nabil Hussain Quresh na Salman Ahmed Rizvi raia wa Pakistani, na kampuni yao inayojulikana kama Ameen motors Limited walishtakiwa kwa pamoja kwa kutoa taarifa zisizo sahihi katika marejesho ya kodi ya mapato yao kwa muda wa miaka minne, na kupunguza dhima yao ya kodi ya kampuni. jumla ya Ksh. milioni 126.

Mahakama ilisikia kwamba washukiwa walioshtakiwa kwa makosa manne, walidaiwa kupunguza dhima yao ya ushuru wa kampuni kwa Kshs. 32,082,271 milioni mwaka 2014, Ksh. 43,756,956 mwaka wa 2015, Ksh. 32,223,763 mwaka wa 2016 na kwa Kshs. 19,630,707 mwaka 2018 mtawalia.

Washukiwa waliokanusha mashtaka mbele ya Hakimu Mkuu wa Mombasa Mhe. Edna Nyaloti waliachiliwa kwa bondi ya Kshs. milioni 20 na mdhamini wa kiasi hicho. Mahakama pia iliamuru washtakiwa waweke hati zao za kusafiria Mahakamani. Kesi hiyo itatajwa tarehe 17 Desemba 2019.

Uchunguzi uliofanywa na Mamlaka ya Ushuru ya Kenya (KRA) ulifichua kuwa, katika kipindi cha kati ya Januari 2013 na Desemba 2018 washukiwa waliingiza vitengo 599 vya magari yenye thamani ya Kshs. milioni 217. Vifaa hivi vyote vya magari viliuzwa na mapato ya Kshs. milioni 658 zilizowekwa benki na washtakiwa bila kulipa kodi.

Mamlaka ya Ushuru ya Kenya (KRA) inajitahidi kuhakikisha walipa ushuru wote wanaostahiki wanalipa sehemu yao ya ushuru kwa wakati na kusalia kutii ushuru ili kuepuka hatua za kutekeleza adhabu ikiwa ni pamoja na kufunguliwa mashtaka. KRA inasalia kujitolea kujenga imani ya walipa kodi kupitia kuwezesha kuhimiza Uzingatiaji wa Sheria ya Ushuru na Forodha ili kuendelea kuboresha utoaji wa huduma na ukusanyaji wa mapato. KRA pia inajitahidi kufanya uzoefu wa ulipaji ushuru kuwa bora zaidi kupitia utoaji wa huduma ya adabu na taaluma.

Kamishna, Idara ya Uchunguzi na Utekelezaji- David Yego