Boti ya ufuatiliaji ya Mamlaka ya Ushuru ya Kenya (KRA) MV KRA 007 leo imepinduka katika Ziwa Victoria takriban mita mia mbili kutoka Mugambo Beach. Boti hiyo iliyokuwa kwenye operesheni yake ya kawaida ya uchunguzi Alhamisi usiku ilikuwa imebeba maafisa wanane kutoka KRA, Huduma ya Kitaifa ya Polisi na Polisi wa Wanamaji.
Wakati wa kisa hicho cha kusikitisha, maafisa watano waliokolewa na watatu bado hawajulikani walipo akiwemo afisa wa KRA. Maafisa hao walikuwa wakihudumu katika Ghuba ya Muhuru na walikuwa kwenye oparesheni ya mashirika mbalimbali inayolenga kukomesha biashara haramu na kuweka mipaka kando ya ziwa hilo.
Boti ya mfano W31, ambayo inaweza kusafirisha hadi abiria 20 kwa usalama na kwa raha kwa kasi ya fundo 30, ambayo ni sawa na takriban kilomita 70 kwa saa ilipinduka kufuatia hali mbaya ya hewa.
KRA pamoja na timu ya mashirika mengi wametuma maafisa kutoa usaidizi wa chini kwa chini katika msako unaoendelea wa kuwatafuta wafanyikazi waliopotea. Mamlaka inaihakikishia familia ya wafanyikazi waliopotea wa KRA na umma, kwamba itatoa usaidizi wote unaohitajika wakati wa shughuli ya utafutaji.
Kaimu Kamishna Huduma za Msaada wa Mashirika
