Mamlaka ya Ushuru nchini (KRA) imenasa katoni 1000 za People Vodka zikiwa zimebandikwa stempu ghushi ikiwa na ushuru wa zaidi ya shilingi milioni moja.
Shehena hiyo ilinaswa kwenye barabara kuu ya Nairobi-Nakuru ndani ya Kaunti ya Nakuru ndani ya lori aina ya Isuzu FRR. Baada ya kuthibitishwa na timu ya Mashirika mengi, stempu zilipatikana kuwa ghushi. Dereva wa lori hilo, Gilbert Njogu alikamatwa na kushtakiwa kwa kosa la kukutwa na stempu za kughushi kinyume na Sheria na Kanuni za Ushuru wa Bidhaa. Alikana mashtaka na akapewa bondi ya KShs. 200,000.
Akitiwa hatiani, mtuhumiwa atatozwa faini isiyozidi shilingi milioni tano au kifungo kisichozidi miaka mitatu au vyote kwa pamoja.
Walipakodi wanahimizwa kulipa ushuru wao na kubaki kuzingatia sheria za ushuru ili kuepusha hatua za kutekeleza adhabu ikiwa ni pamoja na kufunguliwa mashtaka na kunyang'anywa magari yanayosafirisha bidhaa ghushi. KRA inasalia kujitolea katika kujenga imani ya walipa kodi kupitia uwezeshaji ili kukuza uzingatiaji na kutoa usawa kwa wafanyabiashara wote.
Kamishna, Uchunguzi na Utekelezaji
TAARIFA KWA VYOMBO VYA HABARI 28/03/2022
