Washukiwa wawili, Juma Iddi Musungu na Jacqueline Bierera Mogeni wamepandishwa kizimbani katika Mahakama ya Hakimu Mkazi Milimani kwa kosa la kughushi stika za maegesho ya KRA VIP.
Walikamatwa tarehe 1 Machi 2022 baada ya maafisa wa KRA kuendesha msako mkali dhidi ya magari yaliyokuwa na vibandiko vya maegesho ya KRA VIP na kuegeshwa ndani ya Wilaya ya Biashara ya Nairobi. Ilibainika kuwa stika namba NCCA69/HON/2021 na NCCA89/HON/2021 zilizobandikwa magari ya washukiwa hazikuwa halisi na ada ya maegesho haijalipwa. Baadaye washukiwa hao walitambuliwa na kukamatwa.
KRA imezidisha juhudi za kuhakikisha kuwa hakuna ushuru wa Serikali unaopotea. Wananchi wametakiwa kuendelea kuwa waangalifu na kutoa taarifa za ubadhirifu wa aina hiyo ili kuhakikisha kuwa Serikali inakusanya mapato yanayohitajika.
Kamishna, Uchunguzi na Utekelezaji
TAARIFA KWA VYOMBO VYA HABARI 22/03/2022
