Wafanyabiashara wawili wa Raia wa Pakistani leo wameshtakiwa mbele ya Hakimu Mkuu wa Mombasa Bi Edna Nyaloti kwa kukwepa kulipa ushuru wa Ksh1.5 bilioni. Wafanyabiashara hao, Rahim Qasim na Rameez Gulzar Ali pamoja na kampuni yao ya Jhulay Lal Commodities limited walikutwa wakiingiza mchele nchini huku kwa makusudi wakishindwa kulipa Kodi ya Mapato.

Kulingana na uchunguzi, ilibainika kuwa katika kipindi cha Januari 2015 na Desemba 2018, washukiwa waliingiza mchele wenye thamani ya Ksh1.68 Bilioni. Waliuza mchele na kuweka mapato benki kwenye akaunti za makampuni yao mbalimbali.

Washukiwa hao walikabiliwa na makosa matatu ya kukwepa kulipa ushuru. Katika shtaka la kwanza, washukiwa walipokuwa wakifanya biashara ya Jihulay Lai commodities limited, kwa pamoja na wengine ambao hawakufikishwa mahakamani, kwa kujua walishindwa kutuma Ushuru wa Mapato wa Ksh595, 363,478 katika mwaka wa 2016.

Pia walikabiliwa na mashtaka mengine mawili ya kutolipa Kshs434, 930, 264 katika mwaka wa 2017. Kiasi hicho kilitokana na ahadi za biashara zilizoachwa na jumla ya Ksh1,441,318,809. Washukiwa hao pia walikosa kutuma Kshs 522, 925,981 katika mwaka wa 2018. Kiasi kilichokusanywa kutoka kwa shughuli za biashara zilizoachwa na jumla ya Ksh1,735,015,739.

Washukiwa hao walikana mashtaka na kuachiliwa kwa bondi ya Ksh20 Milioni na mdhamini wa kiasi sawa na hicho. Washukiwa hao waliamriwa kukabidhi hati zao za kusafiria mahakamani.

Kukamatwa huko kulifuatia uchunguzi wa muda mrefu uliofanywa na Idara ya Upelelezi na Utekelezaji ya KRA kuhusu miradi ya ulaghai wa kodi nchini. Kesi hiyo itatajwa Machi 3, 2020.

David, KS Yego

Kamishna, Idara ya Upelelezi na Utekelezaji