Mshukiwa alishtakiwa kwa kupatikana na lita 30 za ethanol nyumbani

TAARIFA KWA VYOMBO VYA HABARI 24/05/2022

Mshukiwa ameshtakiwa kwa kupatikana na lita 30 za ethanol mbele ya mahakama ya sheria ya Nakuru. Mshukiwa, John Kinyua Wachira, alikabiliwa na shtaka la kumiliki bidhaa zilizozuiliwa kinyume na kifungu cha 200(d) (ii) kama kilivyosomwa na kifungu cha 210 (c) cha Sheria ya Usimamizi wa Forodha ya Jumuiya ya Afrika Mashariki, 2004.

Kinyua alikamatwa mnamo Mei 18, 2022 na maafisa wa KRA kwa usaidizi wa maafisa wa Polisi kutoka Kituo cha Polisi cha Bondeni nyumbani kwake katika eneo la Flamingo Estate huko Nakuru Mashariki baada ya kupatikana na jerini tano za lita 30 za ethanol. Alikana mashitaka mbele ya Hakimu Mfawidhi Mhe. Bildad Ochieng na akapewa dhamana ya KShs. 100,000 kutokana na uzito wa kosa hilo. Kesi hiyo itatajwa tarehe 7 Juni 2022.

Iwapo atapatikana na hatia, mtuhumiwa atawajibika kwa adhabu ya kifungo kisichozidi miaka mitano au kulipa faini sawa na asilimia hamsini ya thamani ya bidhaa inayohusika au vyote kwa pamoja kama ilivyoainishwa na Sheria ya Usimamizi wa Forodha ya Jumuiya ya Afrika Mashariki, 2004 kifungu cha 200. (d). KRA inawaonya wafanyabiashara dhidi ya ukiukaji kama huo ikiwaonya kwamba mifumo ya kina iliyowekwa hatimaye itawatenga kutoka kwa walipa ushuru wanaofuata sheria.

Kamishna, Uchunguzi na Utekelezaji

Je, ulipata maudhui haya kuwa muhimu?

wastani Rating

5
Kulingana na ukadiriaji 1