MAAFISA wa Forodha wa Mamlaka ya Ushuru nchini (KRA) jana usiku walinasa takriban kilo 4.88 za dhahabu na vito vilivyokuwa vikisafirishwa kupitia Uwanja wa Ndege wa Kimataifa wa Jomo Kenyatta (JKIA). Hii ilikuwa baada ya Maafisa wa Forodha waliopo JKIA kubaini kundi la takriban wasafiri 30 wa kike kutoka Kenya waliokuwa wakitoka Nairobi kuelekea Mumbai, India kupitia Doha. Wasafiri hao wanahusishwa moja kwa moja na wasafiri watatu wa kike walionaswa mapema wakiingia Mumbai wakiwa na takriban kilo 1 ya dhahabu iliyofichwa ndani tarehe 19.th Agosti, 2021.
Wakati wa upekuzi wa mwili, Maafisa wa Forodha kwa kushirikiana na timu ya Mashirika mengi waligundua takriban kilo 4.88 za dhahabu na vito ambavyo havijatangazwa kutoka kwa abiria 15 wa kike. Wanawake 15 waliokuwa kwenye ndege hiyo walitakiwa kughairi safari hiyo ili kuruhusu uchunguzi zaidi. Dhahabu na vito vilivyonaswa vimewekwa kwenye ghala la Forodha.
KRA inawahimiza abiria kutangaza mizigo/vitu vyote kwenye Bandari za kuingia na kutoka kama inavyotakiwa chini ya masharti ya Ratiba ya Pili na ya Tatu ya Sheria ya Usimamizi wa Forodha ya EAC, 2004.
Kamishna, Forodha na Udhibiti wa Mipaka
TAARIFA KWA VYOMBO VYA HABARI 24/11/2021
