Kamishna Mkuu wa KRA alichaguliwa kama mwanachama wa kitengo cha utendaji cha ATAF

TAARIFA KWA VYOMBO VYA HABARI 04/11/2020

Kamishna Mkuu wa KRA, Githii Mburu, ameteuliwa kuwa Mwanachama wa Baraza la Utawala la Jukwaa la Kusimamia Ushuru Afrika (ATAF). Alipigiwa kura wakati wa mkutano wa Baraza Kuu la ATAF uliofanyika leo, 4th Novemba, 2020.

Bw. Mburu ambaye anawakilisha Kenya katika ATAF alichaguliwa na mataifa 13 wanachama, akihesabu kura nyingi zaidi zilizopigwa wakati wa kikao cha uchaguzi. Uchaguzi wake unasisitiza sifa na uidhinishaji wa KRA kimataifa katika masuala ya usimamizi wa ushuru. 

Baraza la Uongozi ndicho chombo chenye jukumu la kuiongoza ATAF katika kufikia dira, dhamira na malengo yake kwa tawala za kodi za Kiafrika. Hii ina maana kwamba Kamishna Mkuu sasa atakuwa sehemu ya kitengo cha utendaji kinachoongoza uundaji na utekelezaji wa programu muhimu za ushuru kwa niaba ya wanachama wa ATAF. 

KRA ilijiunga na ATAF mwezi wa Oktoba, 2009 na kwa sasa inashikilia uanachama katika Kamati zote za Utawala ambazo ni Kamati ya Kiufundi ya VAT (Uwenyekiti), Kamati ya Kiufundi ya Kubadilishana Taarifa, Kamati ya Kiufundi ya Ushuru wa Mipaka (CBT), na Kamati ya Kiufundi ya Ushuru wa Sekta Isiyo Rasmi. 

KRA pia ina ushirikiano wa kina na ATAF kupitia utoaji wa programu maalum za kujenga uwezo katika utozaji ushuru katika Shule ya Mamlaka ya Usimamizi wa Mapato ya Kenya (KESRA). Kupitia ATAF KRA pia inaweza kufadhili wafanyikazi wake wa kiufundi kusaidia mashirika mengine ya ushuru ya Kiafrika katika maswala anuwai ya kiufundi. ATAF huandaa matukio maalum ya kimataifa, na kusaidia KRA kwa utafiti na machapisho ya kodi. 

Nchi nyingine zilizochaguliwa kwenye baraza hilo ni pamoja na; Togo (Mwenyekiti), Afrika Kusini, Uganda, na Zambia. Mamlaka ya uanachama wa Baraza la Uongozi yatadumu kwa miaka 2. Wajumbe wa baraza la awali walijumuisha Nigeria, Mauritius, Swaziland, Uganda, Afrika Kusini na Angola.  

ATAF ni shirika la kimataifa ambalo hutoa jukwaa kwa tawala za ushuru za Kiafrika kufanya kazi pamoja.

Naibu Kamishna Masoko na Mawasiliano

Je, ulipata maudhui haya kuwa muhimu?

wastani Rating

3.7
Kulingana na ukadiriaji 6